नागपुरातील संविधान चौकात ‘दंड नको फाशी द्या’ फलक झळकले

परिवहन विभागाच्या लुटमारी विरोधात मनसे आक्रमक

शिस्तीच्या नावाखाली एखाद्या वाहनाच्या किमती पेक्षा दाम दुप्पट दंड वसूल करून सर्वसामान्य वाहतूकदारास जीवन जगने कठीण केल्याबद्दल तसेच आर टी ओ कार्यालयाच्या माध्यमातून होणाऱ्या विचित्र निर्णया विरोधात आज नागपुरातील संविधान चौकात दंड नको फाशी द्या या शीर्षकाखाली नारे निदर्शने करण्यात आली .

मनसे प्रदेश सरचिटणीस हेमंत गडकरी व वाहतूक सेनेचे राज्य उपाध्यक्ष सचिन धोटे यांच्या तसेच असंख्य वाहतूकदार व मनसे पदाधिकाऱ्यांच्या उपस्थितीत झालेल्या तब्बल दोन तास चाललेल्या या आंदोलना नंतर नागपूर चे नवनियुक्त प्रादेशिक परिवहन अधिकारी (R T O) श्री.किरण बिडकर यांना प्रत्यक्ष भेटून तसेच विस्तृत चर्चा करून अनेकांना भेडसवणाऱ्या समस्यांचे निवेदन दिले, यावेळी गडकरी धोटे यांच्यासोबत शहर सचिव घनश्याम निखाडे प्रशांत निकम ,प्रभुदास डोंगरे, संदीप धांडे ,अभय व्यवहारे, गजानन टिपले ,योगेश चौरसिया,पंकज खीच्ची ,अमर भारद्वाज, लवकुष साहू,नितेश यादव,राम मंडवगडे,यांच्यासह अनेकांचा शिष्टमंडळात समावेश होता