संघाची होणार तीन दिवसीय बैठक

नवी दिल्ली (New Delhi), 20 ऑगस्ट राष्ट्रीय स्वयंसेवक संघाची (Rashtriya Swayamsevak Sangh) अखिल भारतीय समन्वय बैठक ३१ ऑगस्ट ते २ सप्टेंबर दरम्यान केरळच्या पलक्कड येथे होणार आहे. संघाची ही 3 दिवसीय बैठक वर्षातून एकदा घेतली जाते. गेल्या वर्षी सप्टेंबरमध्ये पुण्यात या बैठकीचे आयोजन करण्यात आले होते.

राष्ट्रीय स्वयंसेवक संघाचे अखिल भारतीय प्रचार प्रमुख सुनील आंबेकर (Rashtriya Swayamsevak Sangh All India Propaganda Chief Sunil Ambekar)यांनी दिलेल्या माहितीनुसार, संघप्रणित विविध संघटनांमध्ये काम करणाऱ्या संघटनेचे प्रमुख अधिकारी अखिल भारतीय समन्वय बैठकीत सहभागी होतात. या सर्व संस्था सामाजिक जीवनातील विविध क्षेत्रात सकारात्मक कार्यात लोकशाही मार्गाने समाजपरिवर्तनाच्या कार्यात सक्रिय राहतात. बैठकीत विविध संस्थांचे अधिकारी त्यांच्या कामाची माहिती आणि अनुभव सांगतात. राष्ट्रीय हिताच्या विविध विषयांच्या संदर्भात सध्याची परिस्थिती, अलीकडील महत्त्वाच्या घटना आणि सामाजिक बदलाच्या इतर आयामांवरील योजनांवर या बैठकीत चर्चा होणार आहे. विविध विषयांवर परस्पर सहकार्य आणि समन्वय वाढवण्यासाठी आवश्यक उपाययोजनांवरही सर्व संघटना चर्चा करतील.

सरसंघचालक डॉ. मोहन भागवत, सरकार्यवाह दत्तात्रेय होसाबळे, सर्व सहा सह-सरकार्यवाह आणि इतर प्रमुख अधिकारी या बैठकीत सहभागी होणार आहेत. या बैठकीत राष्ट्र सेविका समिती, वनवासी कल्याण आश्रम, विश्व हिंदू परिषद, अखिल भारतीय विद्यार्थी परिषद, भारतीय जनता पार्टी, भारतीय किसान संघ, विद्या भारती, भारतीय मजदूर संघ यासह विविध 32 संघ प्रेरित संघटनांचे राष्ट्रीय अध्यक्ष, संघटना मंत्री आणि प्रमुख अधिकारी सहभागी होतील.