Mumbai मुंबई : भारतीय जनता पार्टीच्या केंद्रीय निवडणूक समितीने (BJP) महाराष्ट्र विधानसभा निवडणुकीसाठी दुसरी यादी जाहीर केली असून यात 22 जणांचा समावेश आहे. गेल्या काही दिवसापासून प्रतीक्षेत असलेल्या चंद्रपूर जिल्ह्यातील तीन जागांसाठी नावे जाहीर करण्यात आले आहेत. मात्र चंद्रपूर विधानसभा अध्यापही प्रतीक्षेत आहे. दरम्यान यापूर्वी बल्लारपूर मतदारसंघासाठी सुधीर मुनगंटीवार तर चिमूर मतदार संघासाठी बंटी भांगडिया यांच्या नावाची घोषणा झालेली होती. (BJP Candidate List)
आज जाहीर करण्यात आलेल्या यादीमध्ये भारतीय जनता पार्टीची यादी जाहीर राजुरा- देवराव भोंगळे, ब्रह्मपुरी – कृष्णालाल सहारे, वरोरा करण देवतळे, गडचिरोली मिलिंद नरोटे , धुळे ग्रामीण राम भदाणे, मलकापूर चैनसुख संचेती, अकोट मधून प्रकाश भारसाकडे, अकोला पश्चिम मधून विजय अग्रवाल, वाशिम मधून श्याम खोडे, मेळघाट मधून केवलराम काळे, नाशिक मध्य मधून देवयानी फरांदे, विक्रमगड मधून हरिश्चंद्र भोये, उल्हासनगर मधून कुमार आयलानी, पेन मधून रवींद्र पाटील, खडकवासला मधून भीमराव तापकीर, पुणे छावणी मधून सुनील कांबळे, कसबापेठ मधून हेमंत रासने, लातूर ग्रामीण मधून रमेश कराड, सोलापूर शहर मध्य मधून देवेंद्र कोठे, पंढरपूर मधून समाधान आवताडे, शिराळा येथून सत्यजित देशमुख, आणि जत येथून गोपीचंद पडळकर यांच्या नावाचा समावेश आहे, अशी माहिती भाजपचे राष्ट्रीय महासचिव तथा मुख्यालय प्रभारी अरुण सिंह यांनी दिली आहे.
