संगीत किंवा गाणं हा सर्वांच्याच आवडीचा भाग असतो. त्यामुळे सर्वजण गाणं ऐकतात आणि गुणगुणत सुद्धा असतात. गाणं ऐकण्याचं पूर्वीपासूनचं मुख्य साधन म्हणजे रेडिओ. मात्र, काळानुसार आता हे रेडिओ ग्रामोफोन कुठेतरी कालबाह्य होत चाललेले आहेत. पण हेच आपल्या पुढच्या पिढीला रेडिओ, ग्रामोफोन नेमकं काय असतं? हे दाखवण्यासाठी एक अवलिया प्रयत्न करतोय. छत्रपती संभाजीनगर शहरातील संजय पवार यांनी या सर्व गोष्टींचा संग्रह तयार केलेला आहे.
मूळचे लातूर जिल्ह्यातील असलेले संजय पवार हे सध्या संभाजीनगर शहरातील एका महाविद्यालयात कार्यरत आहेत. त्यांना लहानपणापासूनच या सर्व गोष्टींचं आकर्षण आणि कुतहल होतं.
त्यामुळे आता त्यांच्याकडे दीडशे वर्षापासूनचे सर्व रेडिओ, ग्रामोफोन यांचा दुर्मिळ संग्रह आहे. पवार यांच्याकडे 10 ग्रामोफोन, 2 रेडिओ ग्राम आणि 125 रेकॉर्ड प्लेअर आहेत. तर 2000 तबकड्या त्यांनी संकलित केलेल्या आहेत. त्याचबरोबर सुटकेस सारखे दिसणारे आठ व्हिडिओ प्लेयर त्यांच्याकडे आहेत.
