नागपूर (NAGPUR), 5 मे
राष्ट्रीय अग्निशमन सेवा महाविद्यालय, नागपूर यांनी भारत सरकारच्या आरोग्य आणि कुटुंब कल्याण मंत्रालयाच्या सहकार्याने एनएफएससी येथे “आरोग्य सुविधांमध्ये अग्निसुरक्षा” या विषयावर एक दिवसीय कार्यशाळा पार पडली. या कार्यशाळेत एम्स, नागपूर रुग्णालय आणि विविध केंद्रीय रुग्णालयांमधील ६९ सहभागींनी भाग घेतला.
कार्यशाळेचे उद्घाटन एम्सचे प्रशासकीय संचालक प्रा. प्रशांत पी. जोशी, एनसीआयचे सीईओ श्री. शैलेश जोगळेकर, राष्ट्रीय अग्निशमन सेवा महाविद्यालय संचालक एन. बी. शिंगणे आणि प्राध्यापक डॉ. ए. आर. सोनटक्‍के यांच्या उपस्थितीत झाले.
शैलेश जोगळेकर यांनी कार्यशाळेतील सहभागींना संबोधित करताना रुग्णालयांमध्ये अग्निसुरक्षेच्या तरतुदींचा समावेश करण्यासाठी रुग्णालयांच्या आर्किटेक्ट, डिझायनर्स आणि इमारत नियोजकांना शिक्षित करण्याबद्दल सांगितले. प्रो. प्रशांत पी. जोशी यांनी त्यांच्या भाषणात “प्रतिबंध हीच गुरुकिल्ली आहे” असे उद्धृत केले. आगीची कोणतीही परिस्थिती टाळण्यासाठी जास्तीत जास्त प्रयत्न केले पाहिजेत आणि जर ती घडलीच तर योग्य आग कमी करण्याचे उपाय आणि सुरक्षित स्थलांतर प्रक्रिया राबवली पाहिजे, असे ते म्‍हणाले. रुग्णालयातील आगीच्या काही केस स्टडीजवर प्रकाश टाकताना त्‍यांनी या विषयावर एसओपी तयार करण्यात एम्स नागपूरच्या भूमिकेबद्दलही सांगितले.
नागेश बी. शिंगणे यांनी प्रास्‍ताविकातून भारतातील रुग्णालयांमध्ये आगीच्या वेळी अग्निसुरक्षा आणि रुग्णांना सुरक्षितपणे बाहेर काढण्यासाठी तयार करण्याबाबत जागरूकता निर्माण करण्यासाठी एनएफएससीने घेतलेल्या पुढाकाराबद्दल माहिती दिली.
