नागपूर (Nagpur) – हुडकेश्वर-पीपला येथील श्रीकृष्ण बहुदेशीय संस्थेच्या वतीने महिला दिनाचे औचित्य साधून विशेष कार्यक्रमाचे आयोजन करण्यात आले. या कार्यक्रमाच्या अध्यक्षस्थानी चिन्मय भट्टाचार्य सर होते, तर संस्थेच्या संचालिका संध्या भोयर प्रमुख उपस्थित होत्या.
महिला सबलीकरणाच्या दृष्टीने या कार्यक्रमात निःशुल्क सरकारी योजनांचे नोंदणी (रजिस्ट्रेशन) करण्यात आले. तसेच, फॅशन डिझाइनसंबंधी एक महिन्याचे मोफत प्रमाणपत्र कोर्स देखील देण्यात आला. उपस्थित महिलांना विविध सरकारी योजनांची सविस्तर माहिती पुरविण्यात आली, ज्यामुळे त्यांना त्या योजनांचा लाभ घेता येईल.
कार्यक्रमाचे आयोजन सुषमा नागपुरे यांनी केले, तर जोशीला सोनडवले यांनी आभार प्रदर्शन केले. कार्यक्रम यशस्वी करण्यासाठी माधुरी सागवेकर यांनी सहकार्य केले. या उपक्रमामुळे अनेक महिलांना आवश्यक मार्गदर्शन मिळाले असून, उपस्थित महिलांनीही समाधान व्यक्त केले.
