झोपडपट्टीतील लोकांच्या आयुष्यात ‘या’अभिनेत्री आणला गारवा

Taapsee Pannu : झोपडपट्टीतील लोकांच्या आयुष्यात तापसीने थंडगार वारा आणला, उन्हामुळे घामाचे ओघळ येत असताना कुलर वाटले.

Taapsee Pannu : बॉलिवूडची प्रसिद्ध अभिनेत्री तापसी पन्नू सध्या चर्चेत आहे. खरंतर, या कडक उन्हात ही अभिनेत्री गरिबांसाठी आधार बनली आहे. तिने झोपडपट्टीत राहणाऱ्या गरजू लोकांना पंखे आणि कूलर वाटले. तिने हे फोटो सोशल मीडियावर शेअर केले.तापसी पन्नू तिच्या कामासोबतच सोशल मीडियावरही खूप सक्रिय असते. अलिकडेच अभिनेत्रीने तिचे काही फोटो इंस्टाग्रामवर शेअर केले आहेत. जे आता चर्चेत आहे.खरंतर, या फोटोंमध्ये तापसी झोपडपट्टीत राहणाऱ्या लोकांना मदत करताना दिसत आहे. यावेळी तिचा पती मॅथियास देखील तिच्यासोबत दिसत आहेत.

तापसीने ऊन्हापासून आराम मिळावा म्हणून गरिबांना पंखे आणि कूलर वाटले आहेत. या फोटोंमध्ये अभिनेत्री गरिबांशी हस्तांदोलन करताना आणि बोलतानाही दिसत आहे.हे फोटो शेअर करताना तापसीने कॅप्शनमध्ये लिहिले की, ‘शेअर केल्याने प्रेम वाढते. आनंद वाटून घेतल्याने वाढतो. मदत सुरू करण्यासाठी कोणताही विशिष्ट दिवस असू शकत नाही.अभिनेत्रीने पुढे लिहिले, ‘चला अनेक लोकांच्या आयुष्यात मोठा बदल घडवून आणण्यासाठी आपण आपले छोटेसे योगदान देऊया…’ अभिनेत्रीच्या या उदारतेवर चाहते खूप प्रेमाचा वर्षाव करत आहेत.तापसी पन्नूने लोकांना मदत करण्यासाठी हेमकुंट फाउंडेशनच्या सहकार्याने एक विशेष उपक्रम सुरू केला आहे. या उपक्रमांतर्गत, त्यांनी झोपडपट्ट्या आणि कमी उत्पन्न असलेल्या भागात पंखे आणि वॉटर कूलरचे वाटप केले.

कामाच्या बाबतीत बोलायचे झाले तर, तापसी पन्नू शेवटची ‘हसीन दिलरुबा’ चित्रपटाच्या दुसऱ्या भागात दिसली होती.दरम्यान, तिच्या कृतीचे सोशल मीडियावर कौतुक होत आहे.झोपडपट्टीतील लोकांच्या आयुष्यात तापसीने थंडगार वारा आणला, अशी चर्चा सोशल मीडियावर रंगली आहे.