पत्रकाराचे वेशभूषेतील गणरायाची मूर्ती ठरतेय सर्वांचे आकर्षण

बुलढाणा – संपूर्ण राज्यात जल्लोषात साजरा केला जाणारा गणेशोत्सव यावर्षीपासून बुलढाणा जिल्ह्यातील खामगाव येथील पत्रकार गणेश उत्सव मंडळाकडून साजरा करण्यात येत आहे. पत्रकार भवन येथे ढोल ताशांच्या गजरात गणरायाची स्थापना करण्यात आली. विशेष म्हणजे लोकशाहीचा चौथा आधारस्तंभ म्हणून संबोधल्या जाणाऱ्या पत्रकाराच्या वेशभूषेत ही बाप्पांची मूर्ती स्थापन करण्यात आली आहे. मुर्तीच्या एका हातात पेन, पॅड, इलेक्ट्रॉनिक बूम, कॅमेरा देण्यात आला असून ही मूर्ती सर्वांचे आकर्षण ठरत आहे. हा उत्सव पाच दिवस साजरा करण्यात येणार असून यामध्ये विविध सामाजिक उपक्रम घेतले जाणार आहेत.