कांचनजंगा एक्सप्रेसला मालगाडीची धडक
पश्चिम बंगाल(West Bengal) :- पश्चिम बंगालमधील दार्जिलिंग येथे सोमवारी सकाळी नऊच्या सुमारास सियालदहकडे जाणाऱ्या कांचनजंगा एक्सप्रेसला एका मालगाडीने मागून धडक दिली. मालगाडीने मागून धडक दिल्यामुळे कांचनजंगा एक्स्प्रेसच्या अनेक बोगी रुळावरून घसरल्या. यात 15 जण ठार झालेत.
पश्चिम बंगालच्या मुख्यमंत्री ममता बॅनर्जी यांनी या भीषण अपघातावर शोक व्यक्त केला. मिळालेल्या माहितीनुसार, आगरतळा ते सियालदहला जाणारी ट्रेन क्रमांक 13174 कांचनजंगा एक्स्प्रेसला मागून मालगाडीने धडक दिल्यामुळे अपघात झाला. एनजेपी ते सियालदह या मार्गावर सिलीगुडीहून पुढे गेल्यानंतर रंगपानी स्टेशनजवळ हा अपघात झाला. या अपघातामुळे मागील तीन डब्यांचे मोठे नुकसान झाले. अपघातानंतर घटनास्थळी मदत आणि बचाव कार्य सुरू आहे.
