रत्नागिरी (Ratnagiri), 12 सप्टेंबर: दिवाळीसाठी कोकण मार्गावरून धावणाऱ्या रेल्वेगाड्यांना होणारी अतिरिक्त गर्दी कमी करण्यासाठी मध्य रेल्वे प्रशासनाने दिवाळी विशेष गाड्या जाहीर केल्या आहेत.
एलटीटी- सावंतवाडी, पुणे-सावंतवाडी, सावंतवाडी- पनवेल, एलटीटी- कोचुवेल्ली या गाड्यांचा त्यात समावेश आहे.
कोकण रेल्वेमार्गावर सोडण्यात येणाऱ्या एलटीटी-कोचुवेल्ली फेस्टिव्हल वगळता अन्य ३ फेस्टिव्हल स्पेशल गाड्यांचे आरक्षण काल ११ सप्टेंबरपासून खुले झाले आहे.
एलटीटी-सावंतवाडी फेस्टिव्हल स्पेशलच्या ८ फेऱ्या धावणार आहेत. १८, २५ ऑक्टोबर, १ व ८ नोव्हेंबरला शुक्रवारी धावणारी स्पेशल एलटीटीहून सकाळी ८.२० वा. सुटून त्याच दिवशी रात्री ९ वा. सावंतवाडी येथे पोहोचेल. परतीच्या प्रवासात सावंतवाडी येथून रात्री १०.२० वा. सुटून दुसऱ्या दिवशी सकाळी १०.४० वा. एलटीटीला पोहचेल. २० एलएचबी डब्यांची स्पेशल ठाणे, पनवेल, पेण, रोहा, माणगाव, वीर, खेड, चिपळूण, सावर्डे, आरवली, संगमेश्वर, रत्नागिरी, आडवली, विलवडे, राजापूर, वैभववाडी, नांदगाव, कणकवली, सिंधुदुर्ग, कुडाळ स्थानकात थांबेल.
पुणे-सावंतवाडी फेस्टिव्हल स्पेशलच्या ८ फेऱ्या धावणार आहेत. २२, २९ ऑक्टोबर आणि ५, १२ नोव्हेंबरला दर मंगळवारी धावणारी स्पेशल पुणे येथून सकाळी ९.३५ वा. सुटून त्याच दिवशी रात्री १०.३० वा. सावंतवाडी येथे पोहोचेल. परतीच्या प्रवासात २३, ३० ऑक्टोबर व ६, १३ नोव्हेंबरला बुधवारी धावणारी स्पेशल सावंतवाडी येथून रात्री ११.२५ वा. सुटून दुसऱ्या दिवशी दुपारी १२.१५ वा. पुणे येथे पोहचेल. २० एलएचबी डब्यांची स्पेशल लोणावळा, कल्याण, पनवेल, रोहा, खेड, चिपळूण, संगमेश्वर, रत्नागिरी, राजापूर, सिंधुदुर्ग, कुडाळ स्थानकात थांबेल.
सावंतवाडी-पनवेल साप्ताहिक गाडी २२, २९ ऑक्टोबर व ५, १२ नोव्हेंबरला दर मंगळवारी धावेल. सावंतवाडी येथून रात्री ११.२५ वा. सुटून दुसऱ्या दिवशी सकाळी ८.४० वा. पनवेल येथे पोहोचेल.
