नागपूर (nagpur)-मुख्यमंत्री एकनाथ शिंदे (Chief Minister Eknath Shinde)यांच्या उपस्थितीत मुंबईत शिवसेनेचा भगवा झेंडा हाती घेणारा अभिनेता गोविंदा (Actor Govinda)आज प्रचार दौऱ्यातून वेळ काढत केंद्रीय महामार्ग मंत्री नितीन गडकरी (Union Highways Minister Nitin Gadkari) यांच्या भेटीसाठी त्यांचे निवासस्थानी पोहचला.
काही काळ चर्चा झाल्यानंतर दोघेही आपापल्या पुढील प्रवासाला रवाना झाले. यावेळी रामटेकचे खासदार कृपाल तुमाने, माजी मंत्री डॉ दीपक सावंत प्रामुख्याने उपस्थित होते. विदर्भातील रामटेक,यवतमाळ आणि बुलढाणा या तीन मतदारसंघात गोविंदाच्या सभा, प्रचार दौरे सुरू आहेत.
अभिनेता गोविंदा शिवसेनेच्या तिकिटावर मुंबईतून निवडणूक लढणार अशी चर्चा असतानाच आपण निवडणूक लढणार नाही तर शिवसेनेचा प्रचार करणार अशी भूमिका गोविंदाने जाहीर केली व तो शिंदे सेनेसाठो स्टार प्रचारक म्हणून कामाला लागला पहिल्या टप्प्यात 4 ते 6 एप्रिल दरम्यान गोविंदाने नागपूर ,रामटेक, भंडारा गोंदिया, गडचिरोली आणि चंद्रपूर या पाच मतदारसंघात शिवसेना व महायुतीच्या उमेदवारांचा प्रचार केला व तो मुंबईत परतला.
