वर्ल्ड फुनाकोशी शोतोकान कराटे ऑर्गनायझेशनच्या वतीने नागपूर जिल्हा आंतरशालेय कराटे चॅम्पियनशिपचे आयोजन गजानन सभागृह, वाडी रोड येथे करण्यात आले. या स्पर्धेत विद्यार्थ्यांनी ३०० सुवर्ण, रौप्य व कांस्य पदके जिंकली. स्पर्धेचे अध्यक्ष हंशी हसन एमडी इस्माईल यांनी सर्व विजेत्यांना सन्मानित केले आणि स्पर्धेच्या यशस्वितेसाठी आयोजक राहुल यादव व त्यांच्या टीमला शुभेच्छा दिल्या. ही स्पर्धा यशस्वी करण्यात रतन समुद्रे, सुमित नागदवाने, किरण यादव, डॉ. प्रशांत, प्रविण नेहरे, नरेंद्र बिहार, विनोद डहरे व शेख जावेद यांनी विशेष भूमिका बजावली.
मंदार नायरचे सुवर्ण प्रदर्शन!
WFSKO नागपूरच्या वतीने आयोजित ३री WFSKO कप आंतरशालेय कराटे चॅम्पियनशिपमध्ये NTK अॅकॅडमीच्या प्रतिभावान कराटे खेळाडू मंदार नायर यांनी काता-कुमिते वर्गात उत्तम कामगिरी करत दोन्ही वर्गांमध्ये सुवर्ण पदक जिंकले. स्पर्धेचे अध्यक्ष हंशी हसन एमडी इस्माईल यांनी विजेत्याचा सन्मान केला. मंदार यांनी आपल्या यशाचे श्रेय कोच राहुल यादव आणि आपल्या माता-पित्यांना दिले.
