Former Foreign Minister Natwar Singh passed away : नवी दिल्ली (New Dellhi), ११ ऑगस्ट : माजी परराष्ट्र मंत्री आणि काँग्रेसचे ज्येष्ठ नेते नटवर सिंह (Former Foreign Minister and senior Congress leader Natwar Singh)यांचे शनिवारी रात्री उशिरा निधन झाले. ते ९५ वर्षांचे होते. नटवर सिंह हे अनेक दिवसांपासून आजारी होते आणि त्यांच्यावर दिल्लीजवळील गुरुग्राममधील मेदांता रुग्णालयात उपचार सुरू होते. दरम्यान त्यांनी अखेरचा श्वास घेतला. ते माजी पंतप्रधान इंदिरा गांधी यांचे निकटवर्तीय होते आणि त्यांच्या कार्यालयाशी संलग्न होते.
मुत्सद्देगिरीतील अनुभवाचा खजिना आपल्या राजकीय कारकीर्दीत आणणारे ते करिअर डिप्लोमॅट होते आणि शिवाजी महाराजांच्या जीवनापासून ते परराष्ट्र व्यवहारातील बारकावे या विषयांवरील विपुल लेखक होते.
नटवर सिंग यांचा जन्म १६ मे १९२९ रोजी भरतपूर (राजस्थान) येथे झाला. १९५३ मध्ये भारतीय परराष्ट्र सेवा (आयएफएस) साठी निवड झाली. त्यांनी चीन, न्यूयॉर्क, पोलंड, इंग्लंड, पाकिस्तान, जमैका आणि झांबियासह अनेक देशांमध्ये सेवा दिली. आयएफएसमध्ये तीन दशके राहिल्यानंतर त्यांनी १९८४ मध्ये काँग्रेस पक्षात प्रवेश करण्यासाठी राजीनामा दिला. त्याच वर्षी त्यांनी आठव्या लोकसभेची निवडणूक लढवली आणि त्यांची राज्यमंत्री म्हणून नियुक्ती झाली. २००४ मध्ये नटवर सिंह पुन्हा केंद्रीय मंत्री झाले. मात्र, इराक तेल घोटाळा प्रकरणी त्यांनी १८ महिन्यांनंतर राजीनामा दिला होता. त्यानंतर नटवर सिंग यांची निर्दोष मुक्तता करण्यात आली. १९६६ ते १९७१ या काळात ते पाकिस्तानातील भारताचे राजदूत होते.
