(Nagpur)नागपूर, 21 एप्रिल
सी.पी. आणि बेरार ई.एस. कॉलेज, रविनगर येथील व्यवसाय व्यवस्थापन विभागाच्‍या 2023-25 च्या पदवीधर बॅचला निरोप देण्‍यात आला. अंतिम वर्षाच्या विद्यार्थ्यांना भव‍िष्‍यातील वाटचालीसाठी शुभेच्‍छा देण्‍याकरिता विद्यार्थी, प्राध्यापक आणि कर्मचारी एकत्र आले होते.
निरोप समारंभाची सुरुवात समन्वयक एस.डी. भावे यांच्या स्वागतपर भाषणाने झाली. त्यांनी समर्पण, कर्तृत्व आणि त्यांनी संस्थेसाठी केलेल्‍या अभिमानास्‍पद कामगिरीसाठी विद्यार्थ्‍यांचे कौतुक केले. विभागाचे टीपीओ डॉ. आशिष लिंगे यांनी विद्यार्थ्यांना त्यांच्या आयुष्याच्या पुढच्या टप्प्यात पाऊल ठेवताना आत्मविश्वासाने आणि सचोटीने पुढे जाण्यासाठी प्रोत्साहित केले.
यावेळी विद्यार्थ्यांनी संगीत, नृत्य आणि गायन यासह विविध सांस्कृतिक कार्यक्रम सादर केले. यावेळी डॉ.प्रविण बागडे, प्रा.मृण्मयी कानेटकर, सचिन खिरे हे देखील उपस्थित होते.
