*मराठवाड्यात 3 ठिकाणी भूकंपाचे धक्के जाणवले
भीतीने नागरिक घराबाहेर
नांदेड, हिंगोली अन् परभणी जिल्ह्यात बसले हादरे
आज सकाळी 7.15 दरम्यान नांदेड, हिंगोली जिल्हा मध्ये भूगर्भातुन आवाज व सौम्य धक्का जाणवला आहे. सदर धक्क्याची नोंद भूकंप मापक केंद्रात 4.5 अशी झाली आहे. घेतलेल्या माहिती नुसार कोणत्याही प्रकारचे नुकसान झाले नाही. या भूकंपाच्या सौम्य धक्क्याने काही ठिकाणी घरातील नागरिक बाहेर पडले होते.
आज दि. 10 जुलै 2024 रोजी हिंगोली जिल्ह्यात सकाळी 07:14 वाजता भूकंपाचे धक्का जाणवला असून या भूकंपाची तीव्रता रिष्टर स्केल वर 4.5 नोंदविण्यात आलेली आहे. भूकंपाचा केंद्रबिंदू हिंगोली जिल्ह्यातील कळमनुरी तालुक्यातील रामेश्वर तांडा गावात असून नांदेड व परभणी जिल्ह्यात या भूकंपाचे धक्के जाणवले असल्याची माहिती प्राप्त झालेली आहे. जिल्ह्यात जाणवलेले धक्के सौम्य स्वरूपाचे असून कुठेही नुकसान झालेले नाही. नागरिकांनी घाबरून न जाता सतर्क रहावे. तसेच गावात ज्या लोकांच्या घराचे छत पत्र्याचे आहे व त्यांनी पत्र्यावर आधारासाठी दगड ठेवले आहेत त्यांनी त्वरित दगड काढून घ्यावेत. असे आवाहन जिल्हाधिकारी जितेंद्र पापळकर यांनी केले आहे.
