नागपूर, 25 जून (nagpur) : नागपुरातील डॉ. बाबासाहेब आंबेडकर आंतरराष्ट्रीय विमानतळाच्या शौचालयात बॉम्ब असल्याचा ई-मेल मिहान इंडिया लिमीटेडच्या संचालकांना पाठवण्यात आला. परंतु, पोलिस तपासणीत काहीही आक्षेपार्ह आढळून आले नाही. त्यामुळे हा ई-मेल अफवा असल्याचे निष्पन्न झाले आहे.
मिहान इंडिया लिमीटेडच्या संचालकांना बॉम्बची धमकी देणारी ई मेल पाठवण्यात आला. नागपूरसह देशभरातील सर्वच विमानतळांना हा धमकीचा ई-मेल पाठविण्यात आला होता. ई मेल मिळताच एअरपोर्ट अ‍ॅथॉरिटी व मिहान इंडिया लिमिटेडने सोनेगाव पोलिसांना सूचना दिली. सोनेगाव ठाण्याचे व शहर पोलिस असे एकूण 79 जणांनी विमानतळाचा परिसर पिंजून काढल्यानंतर काहीच आढळले नव्हते. सोमवारी मुख्यमंत्री एकनाथ शिंदे यांचा दौरा असल्यामुळे पोलिसांनी खास खबरदारी घेतली होती. परंतु दिवसभर बारकाईने पाहणी करूनही पोलिसांच्या हाती काहीच लागले नाही. दरम्यान मिहान इंडिया लिमिटेडचे संचालक आबिद रुही यांनी दिलेल्या माहितीनुसार मंगळवार 25 जूनला सकाळी 10.15 वाजताच्या सुमारास पुन्हा विमानतळावरील शौचालयात बॉम्ब असल्याचा ई मेल मिळाला. हा ई मेल एकट्या नागपूर विमानतळालाच पाठविण्यात आल्यामुळे खळबळ उडाली. झोन-1 चे उपायुक्त अनुराग जेन, सहायक पोलिस आयुक्त, सोनेगावचे वरिष्ठ पोलिस निरीक्षक नितीन मगर पोलिसांच्या ताफ्यासह विमातळावर पोहोचले. पोलिसांनी शीघ्र कृती दल, रॅपीड अ‍ॅक्शन फोर्स, बॉम्ब शोधक व नाशक पथकाच्या साह्याने विमानतळाच्या कानाकोपºयाची बारकाईने तपासणी केली. तर सीआयएसएफच्या जवानांनी बॉम्ब शोधक व नाशक पथकाच्या मदतीने विमानतळाच्या आतील परिसरात पाहणी केली. परंतु सीआयएसएफ व शहर पोलिसांना काहीच आक्षेपार्ह आढळले नाही. सोनेगाव पोलिस सायबर पोलिसांच्या मदतीने ई मेल पाठविणा?्या आरोपींचा शोध घेत आहेत.
सोनेगावचे वरिष्ठ पोलिस निरीक्षक नितीन मगर यांनी सुरक्षेच्या दृष्टीकोणातून विमानतळ परिसरात 4 ठिकाणी नाकेबंदी केली. यात हॉटेल प्राईड चौक, विमानतळ परिसरातील डॉ. बाबासाहेब आंबेडकर यांचा पुतळा, आमराई परिसर आणि सी झार हॉटेल परिसरात ही नाकाबंदी करून प्रत्येक वाहनचालकांची तसेच विमानतळावर येणा?्या प्रत्येकाची तपासणी करण्यात आली. यासोबतच पोलिसांनी विमानतळाच्या बाह्य भागातील बाथरुम, कचराकुंड्या आदींची बारकाईने तपासणी केली.
