“तंत्रज्ञानाद्वारे सहअस्तित्वासाठी नवनिर्मिती”
बल्लारपूर, 14 ऑक्टोबर 2025:
बल्लारपूर इन्स्टिट्यूट ऑफ टेक्नॉलॉजी (BIT), बामनी येथे आज २४ तासांचा हॅकाथॉन 2025 सुरू झाला. हा कार्यक्रम ताडोबा-अंधारी वाघ अभयारण्य (TATR), महाराष्ट्र शासन यांच्या सहकार्याने आयोजित करण्यात आला आहे. “सहअस्तित्वासाठी नवनिर्मिती” या थीमअंतर्गत विद्यार्थ्यांना मानव आणि वन्यजीवन यामधील समतोल साधण्यासाठी आधुनिक तंत्रज्ञानाचा वापर करून उपयुक्त उपाय शोधण्यास प्रेरणा देणे हा या हॅकाथॉनचा उद्देश आहे.
उद्घाटन समारंभाची सुरुवात सरस्वती वंदनाने झाली, त्यानंतर मान्यवर आणि अतिथींचे स्वागत व सन्मान करण्यात आले. हा कार्यक्रम मिस रुची टंडन , Product & Strategy Consultant आणि Leadership Coach यांनी उद्घाटित केला. IBM, Microsoft, Amazon आणि Samsung सारख्या जागतिक स्तरावरील टॉप तंत्रज्ञान कंपन्यांमध्ये 20 वर्षांहून अधिक अनुभव असलेल्यामिस रुची टंडन यांनी उद्योजकांना मार्गदर्शन करणे, महिलांना सक्षम करणे आणि युवक नेतृत्व वाढवणे यामध्ये महत्त्वाची भूमिका बजावली आहे. त्या BITS पिलानीच्या माजी विद्यार्थिनी असून अमेरिकेतून पदवी प्राप्त केली आहे.
मिस रुची टंडन यांनी सांगितले की हॅकाथॉनमधील आव्हाने केवळ एका प्रदेशापुरती मर्यादित नाहीत, तर ती जागतिक स्तरावर आहेत. त्यांनी विद्यार्थ्यांना नवनवीन कल्पना करून तंत्रज्ञानाचा वापर करुन टिकाऊ उपाय शोधण्याचे महत्व अधोरेखित केले.
कार्यक्रमात मान्यवर उपस्थित होते, ज्यात श्री. संजय वसाडे (कार्याध्यक्ष, BIT), डॉ. राजनीकांत मिश्रा (प्राचार्य/डायरेक्टर , BIT), प्रा. श्रीकांत गोजे, डॉ. झेड. जे. खान, प्रा. सी. सत्यनारायण, , डॉ. अर्चना निमकार, आणि श्री. लव्हली शर्मा यांचा समावेश होता. उदघाटन कार्यक्रमाचे सूत्रसंचालन आदित्य वैरागेडे (द्वितीय वर्ष सिव्हिल अभियांत्रिकी) व रागिणी यादव ((द्वितीय वर्ष इलेक्ट्रॉनिक्स अभियांत्रिकी) या विद्यार्थ्यंनी केले
BIT आणि TATR यांच्यातील हा उपक्रम शिक्षण, तंत्रज्ञान आणि पर्यावरण संवेदनशीलतेचा अद्वितीय संगम आहे, ज्याद्वारे युवकांना अधिक समतोल आणि संतुलित जगासाठी नवनिर्मिती करण्यास प्रोत्साहित केले जाते.
एकूण २५ उत्कृष्ट संघ या २४ तासांच्या हॅकाथॉनमध्ये सहभागी झाले आहेत. संघ नागपूर, चंद्रपूर, वर्धा, तेलंगणा राज्य आणि BIT कॉलेज येथून आले आहेत. हा हॅकाथॉन विद्यार्थ्यांना नवनवीन कल्पना राबवण्यासाठी मार्गदर्शन, तज्ज्ञांचे mentorship आणि औद्योगिक तज्ज्ञांच्या मुल्यमापनासह सहयोगी वातावरण प्रदान करतो.
कार्यक्रमाच्या यशस्वीतेसाठी bit तील सॉफ्टवेर डेव्हलोपमेंट टीम मधील पियुष गुप्ता व सर्बानी सिन्हा अभियांत्रिकी तील विदयार्थी आदित्य यादव ,रोहित अप्पलवार हे अथक परिश्रम घेत आहेत
Related posts:
