पंतप्रधानांची सुरक्षा धोक्यात तर नाही ना! नेमके प्रकरण काय?
मुंबई(Mumbai) १२ जुलै :- पंतप्रधान नरेंद्र मोदी हे मुंबई दौऱ्यावर आहेत. त्याअनुषंगाने सुरक्षा यंत्राणांची बैठक आयोजित करण्यात आली होती. ही मुंबई पोलीस आणि एनएसजी अधिकार्‍यांची खासगी बैठक होती. या बैठकीला लष्कारातून सुट्टीवर आलेल्या एका जवानाने हजेरी लावण्याचा प्रयत्न केला. आपण एनएसजी अधिकारी असल्याचा बनाव त्याने केला. लष्करातून सुट्टीवर आलेला रामेश्वर मिश्रा तिथे हजर होता . वरिष्ठ अधिकाऱ्याच्या बैठकीत मिश्राने ब्लेजर, टाय अशी ड्रेसिंग करून हजेरी लावली. . पण त्याच्यावर अधिकाऱ्यांना संशय आला.व त्याने ही बाब हेरली. त्याचवेळी त्याला पकडण्याचा प्रयत्न झाला, मात्र तो फरार झाला.
रामेश्वर मिश्राने हे कृत्य काही पहिल्यांदा केले नाही. त्याने यापूर्वी पण असाच प्रकार केला होता. प्रकरणात बैठकीतून निसटलेल्या मिश्राला वनराई पोलिसांनी अटक केली आहे. मिश्रा सध्या पोलीस कोठडीत आहे. गेल्यावर्षी पंतप्रधानांच्याच दौऱ्यात त्याने असाच बनाव केला होता. त्यावेळी पण त्याचा बनाव उघड झाला होता. गेल्यावेळी त्याला बीकेसी पोलिसांनी अटक केली होती.
पंतप्रधान नरेंद्र मोदी(Narendra Modi) हे उद्या 13 जुलै रोजी मुंबईत येत आहेत. महापालिकेच्या काही प्रकल्पांचे भूमिपूजन ते करणार आहेत. तर मुंबई महानगरपालिकेच्या गोरेगाव-मुलुंड या जोडरस्ता प्रकल्पातील जोड बोगद्याचे भूमिपूजन पंतप्रधानांच्या हस्ते होईल. संजय गांधी राष्ट्रीय उद्यानाखालून हा बोगदा जाणार आहे.
