एक ठार, दुसरा गंभीर जखमी : प्रेमप्रकरणातून घटना
भंडारा. भररस्त्यावर तरुणींच्या डोळ्यादेखत दोन तरुणांवर चाकूहल्ला करण्यात आला. त्यातील एकाचा घटनास्थलीच मृत्यू झाला, तर दुसरा गंभीर जखमी आहे. भंडारा जिल्ह्याच्या जवाहरनगर पोलिस स्टेशनच्या हद्दीत (bhandara jawaharnagar police) न्याहारवाणी रस्त्यावर ही घटना घडली. आवेज हसन शेख (22) रा. ठाणा असे मृताचे नाव असून, श्रेयस मुन्ना वाहाणे (18) असे गंभीर जखमीचे नाव आहे. प्रेमप्रकरणातून ही घटना घडल्याचे आणि या घटनेत दोन आरोपींचा समावेश असल्याचे बोलले जात आहे. घटनेची माहिती वाऱ्याच्या वेगाने पसरली. त्यानंतर संतप्त वातावरण निर्माण झाले. रुग्णालयातही मोठी गर्दी झाली होती. जखमीवर सामान्य प्रशासन रुग्णालयात (General Administration Hospital) उपचार सुरु आहेत. घटनेनंतर दोन्ही आरोपी पोलिसांना शरण अल्याचेही सांगितले जात आहे. तुर्त परिसरात तणावपूर्ण शांतता आहे.
घटनेनंतर आरोपी तन्वीर पठाण (22) व अन्य एका साथीदाराने पोलिस ठाण्यात पोहोचून घटनेची कबुली दिली. या प्रकरणात मिलालेल्या माहिती नुसार, मृतक आवेज शेख (22) याला भंडारा येथील दोन्ही तरुणांनी फोन करून बोलावले. त्यावेळी आवेज व श्रेयस वाहने ठाणा निहारवाणी रस्त्यावर गेले होते. भंडारा येथून आलेल्या दोन्ही तरुणांनी वादातून आवेज व श्रेयसवर चाकूने वार केले. यात आवेजच्या मानेला, पोटाला व हाताला चाकूने हल्ला केला. झालेल्या जबरी हल्ल्यामध्ये आवेजच्या मृत्यू झाला. तर श्रेयस गंभीर जखमी झाला. घटनेनंतर दोन्ही आरोपी पळून गेले. तिकडे जखमी श्रेयसने ठाणा येथील मित्रांना घटनेची माहिती दिली. तीन ते चार मित्र घटनास्थळी पोहोचले, घटनास्थळी आवेज व श्रेयस रक्तबंबाळ अवस्थेत डांबरी रस्त्यावर पडले होते. दोघांनाही लगेच शहापूर आरोग्य उपकेंद्र येथे दुचाकीने आणले. मात्र, तोपर्यंत आवेजचा मृत्यू झाला होता. श्रेयसवर प्राथमिक उपचारानंतर भंडारा जिल्हा सामान्य रुग्णालयात रेफर करण्यात आले. घटनेनंतर परिसरात तणावाचे वातावरण असून पोलिस परिस्थितीवर लक्ष ठेवून आहेत.
