🔴 दिल्ली : लाल किल्ला मेट्रो स्टेशनजवळ भीषण स्फोट | १० जणांचा मृत्यू, अनेक जखमी 🔴

🔴 दिल्ली : लाल किल्ला मेट्रो स्टेशनजवळ भीषण स्फोट | १० जणांचा मृत्यू, अनेक जखमी 🔴🔴 दिल्ली : लाल किल्ला मेट्रो स्टेशनजवळ भीषण स्फोट | १० जणांचा मृत्यू, अनेक जखमी 🔴

नवी दिल्ली | राजधानी दिल्ली हादरली आहे. सोमवारी सायंकाळी सुमारे सातच्या सुमारास लाल किल्ला मेट्रो स्टेशनच्या गेट क्रमांक १ जवळ भीषण बॉम्बस्फोट झाला. या स्फोटात १० निष्पाप नागरिकांचा मृत्यू झाला असून अनेक जण गंभीर जखमी झाले आहेत. स्फोटात जवळ उभ्या असलेल्या अनेक वाहनांचा कोळसा झाला आहे.

ज्या परिसरात नेहमीच कडेकोट सुरक्षा व्यवस्था असते, त्या ठिकाणी झालेल्या या स्फोटाने सुरक्षा यंत्रणांच्या कामगिरीवर गंभीर प्रश्नचिन्ह उभे केले आहे.

केंद्रीय गृहमंत्री अमित शाह यांनी घटनास्थळाची सविस्तर माहिती देताना सांगितले,

“आज संध्याकाळी सुमारे सातच्या सुमारास लाल किल्ल्याजवळील सुभाष मार्ग चौकात ह्युंदाई i20 कारमध्ये स्फोट झाला. या स्फोटात काही पादचाऱ्यांना दुखापत झाली असून काही वाहनांचे नुकसान झाले आहे. प्राथमिक अहवालानुसार काही लोकांचा मृत्यू झाल्याची माहिती आहे.”

स्फोटाची माहिती मिळताच अवघ्या १० मिनिटांत दिल्ली क्राइम ब्रांच आणि स्पेशल ब्रांचच्या टीम्स घटनास्थळी दाखल झाल्या. त्यानंतर NSG, NIA आणि FSL च्या पथकांनी तपास हाती घेतला आहे. परिसरातील सर्व CCTV फुटेज तपासण्याचे आदेश देण्यात आले आहेत.

केंद्रीय गृहमंत्री अमित शाह यांनी दिल्लीचे पोलिस आयुक्त आणि स्पेशल ब्रांचचे वरिष्ठ अधिकारी यांच्याशी संवाद साधून घटनास्थळी त्वरित उपस्थित राहण्याचे निर्देश दिले आहेत.
ते म्हणाले,

“सर्व शक्य दिशांनी तपास सुरू करण्यात आला आहे. कोणतीही शक्यता दुर्लक्षित केली जाणार नाही. सखोल चौकशीनंतर संपूर्ण माहिती जनतेसमोर मांडली जाईल.”

दरम्यान, परिसरात तणावाचे वातावरण असून, संपूर्ण क्षेत्राला पोलिसांनी वेढा घातला आहे. लाल किल्ला परिसरात वाहतुकीस बंदी घालण्यात आली असून, सुरक्षा आणखी वाढवण्यात आली आहे.

#DelhiBlast #RedFort #BreakingNews #AmitShah #DelhiPolice #NSG #NIA #TerrorAttack #IndiaNews #SecurityAlert